The Lady In Red

الزواج .. آآآآآآآآآآآآآآآآه يازواج ومادراك مازواج

الزواج اكبر قرار ممكن الوحده او الواحد ياخذه بوجهة نظري
الزواج حلم الكل وده يعيشه بـــــــــــــــــــــــــــــــــــس من اللي قاعدين نسمعه هالايام واللي نشوفه الواحد قام يخاف

تحوول حلم حلو ومملكة كل وحده تتمنى تكون ملكة فيها حق كابوس وقصر رعب يخاف الواحد انه يعيشه او ياخذ قرار انه ممكن يقربه من هالرعب
من ناحيتي انا كنت اتمنى انه اتزوج واكون مملكتي بروحي واكون ملكة حق انسان واكون ام حق عياله بس قمت اسمع من رفيجاتي ومن اللي دار مداري ومن الجرايد قصص والله لما اسمعها اقول الله لايبلانا جنه صار الزواج بلاء
وهم بنفس الوقت اسمع اشياء حلوه وتشوقك وتخليك تفكر يالله متى انا اعيش هالحلم ويالله متى اييي دوري اعيشه
الزواج صار مثل الرقية يفحصونها من بره ويطققون عليها مادري شسون علشان يشوفنها زينه ولا لا ولما ترد البيت وتقصصها ماتدري

يا تطلع بيضه يا حمره

...

اقولكم بعض السوالف والقصص اللي مرت علي وسمعتها

وحده بنت حلال والله يشهد شكثر اهي بنت ناس ومتربيه .. ساكنين أجار عند ناس ومأجرين دور .. المهم صاحبة البيت شافت بنت اللي مأجرين عندهم وعجبتها ودشت خاطرها وكلمت ولدها وقالتله انها خوش بنت ونعرف دخلتهم وطلعتهم والكل يشهد بخلاق العايله ومستواها والبنت مو ناقصها شي .. المهم .. وافق الصبي وتقدم حق البنت واهل البنت سألو عن الريال ومني ومناك جان يوافقون ويتزوجون .. المهم .. ادري وايد اقول المهم لوول بس ابي اوصلكم حق الزبدة ..البنت كانت من النوع الكتوم يعني ماتتكلم والله صار جذي وقال جذي بس انه بعد مرور سنتين على زواجها انبطت الجربة وراحت قالت حق امها انه اهي صح عايشه مع ريلها بس مو عايشين حياة زوجة يعني بالعربي مابينهم اي علاقة جنسية بس اول اسبوع من زواجها وانه كل ماتكلم ريلها وتبي تعرف شنو الموضوع يقولها انه ظروفه وضغوط نفسية واهي مسكينة تصبر بس قالت حق امها انه مو هذا السبب الرئيسي اللي خلاها تبط الجربة قالتلها انه مكياجي من فترة وانا قمت افقده بين فترة وفترة شي افقده ومره كانت طالعه مع ريلها وشافت في حمرة بسيارة ريلها طبعا اول شي ايي ابالها انه ريلها يخونها المسكينة ... واجهتة وكلمته وكتفى بأنه يقولها انه انتي المره الوحيدة بحياتي واحتمال تكون حمرة وحدة من خواتي وطبعا المسكينة طوفت .. بعد فترة قصيرة حجزوا اهلها الخيران وقالها ريلها انا عندي شغل ماقدر اييي وبعيد عن دوامي فأنتي روحي استانسي وانا نهاية الاسبوع امركم .. البنت راحت مع اهلها وبعد مامر يومين حست بتأنيب ضمير شلون انا استانس وماخذه اجازة وريلي دوام وماعنده من يطبخله ويقعد يسليه قاللت حق اهلها انها بترد وبتسويله مفاجأة .. والمسكينة اول ماوصلت شقتها اهي اللي لقت المفاجأة وياربي على المفاجأة اللي صراحة عندي اموت ولا انحط فيها الله لايبلانا ان شاء الله .. لقت ريلها اللي يتعذر عن انه يعطيها حقوقها الزوجية وانه ضغوطه النفسية ماتسمحله مع ريال !! وبفراشها ولا بعد بقمصان نومها!! اي لاتبققون عيونكم ريلها طلع جنس والعياذ بالله .. طبعا اهي انهارت وصار فيها نهيار عصبي المسكينة .. وبالاخير رفعت قضية طلاق وطلقت .. شرايكم !! وعلى فكرة السالفة هذي صارت حق انسانة امي تعرفها شخصيا يعني مو انه قصه وتنقال ولا بعد ازيدكم من الشعر بيت لما سألو عن الريال قالو ونعم فيه وانه ريال عن عشر رياييل ومايعييبه شي وانه ماعنده خرابيط
...

انسان مايدري شي عن الدنيا غير الجامعة والبيت والمسيد .. يعني لاعلاقات ولا حب ولا بنات ولا قز ولا فرارة .. تزوج زواج تقليدي الام شافت البنت دشت قلبها قالتله عنها وقعد معاها دشت قلبه المهم من هالحجي هذا .. تزوجو وظلو متزوجين تقريبا 5 سنين ونص وعندهم ولدين وبنت .. المهم الريال طبيعة شغله انه كله يسافر بره يظطر بين فترة وفتره يسافر بو اسبوع بالكثير اسبوعين ويرد .. مره استدعوه وقالوله انه عندك مؤتمر ولازم تقعد هناك قريب الشهر .. وكان وده ياخذ مرته معاه بس كان باقيلها اسبوع على النفاس كانت توها والدة قالها بعد اسبوع او اسبوعين تعالي انتي واليهال .. يحليله مايبي يهدهم فترة طويلة .. المهم سافر الريال وصارت ظروف اللي خلتهم يأجلون المؤتمر او انه يكنسلونه مادري المهم قال بدال مااهمه اييوني انا افاجأهم وارجعلهم .. وياربي عليه لو مو راد احسن .. رد المسكين وسييييييييييدة عالبيت ولهان على مرته وعياله شاف عياله بس مرته ماكانت موجوده سأل ولده قاله انه سمعت ماما تقول انطروني عند الجمعية دقايق وايي نطر الريال مرته ساعه ساعتين الاخت ماشرفت سأل الولد امك اول مره طول جذي قال لا كل يوم تطلع وترد بليل الريال انصدم يدق من البيت ماترد الاخت جان يشيل قشه الريال ويروح عند الجمعية ولا يشوف سيارة مرته صافطة نطر عند السيارة فترة طويلة شوي ولا تصفط سيارة يم سيارة مرته ولا شنوووووووووووووووو @@ ولا الاخت الفاضلة نازلة من عند واحد .. طبعا الريال انهار ونزل ومن غير مايدري عن نفسه نام طق بالريال اللي نزلت منه مرته واخذ المره وردها البيت وسألها سؤال واحد وعيونة مغووورقه من الدموع وقلبه متحطم انا شنو قصرت !! شنو فيه احسن مني !! نزلت راسها بنت اللذينه ماعندها رددددددد ولا اللي صدم الريال اكثر يوم عرف انه صارلها مع الاخ اللي نزلت منه 3 سنين

طبعا البنت تطلقت واهي حاليا ندمانة قد شعر راسها طبعا مايفيد الندم مو عيب الانسان انه يغلط بس غلط عن غلط يفرق هالسالفة هذي سمعتها من اخت الللي ماتتسماش والله من سمعت هالسالفة وانا مادش بيتهم مادري ليش احس انه قلبي قام يكش منهم مع انه الاخت والله تينن واذا قرت هالبوست لا تزعل مني لووول على العموم انا حبيت اقولكم اللي اسمعه واللي يخوفني

ويبتلكم سالفتين مره واحد مو كفو ومره وحده مو كفو علشان لاتقولون انحيازية ;Pp
لو اقول من الحين لين باجر صدقوني ماراح اخلص لاعت جبدي وانا اسمع سوالف وقصص لوول والله خوفوني ادري بتقولون هذي وايد تقرق وبالتاق قالت ماحب القرقه بس في مواضيع لازم الواحد يقرق مو ؟؟ ;Pp
الحين اتمنى تعطوني رايكم بالزواج وابي تجاربكم وابي متى عندكم الواحد يقدر يقول اي .. ابيه او ابيها ؟

Posted by ReD Lady™ on 2.19.2007 at 6:32 PM | Permalink

Chat Box

My BlogRoll

موضوع حلو ومشوق
انتى طرحتى اكثر من موضوع فى موضوع واحدوكل موضوغ تبيله ساعه نقاش لكن انحاول نختصر
اول شى الزواج : لو انتى سالتينى قبل 6 شهور ولا اقل عن الزواج كنت انقولك انه كله شر لكن الان انقولك ان الزواج هو الحل والطريق الاسهل للنجاح فى الحياه اذا وفقكك الله بزوج او زوجه صالحه وانا انصح اى واحد قادر على انه يتزوج ان يتزوج لانه الزواج كله توفيق من الله .
ثانى شى انا مو مصدق انه الان موجود حتى الان زواج يتم عن طريق الام والاخت وهذا هو السبب الرئيسى لفشل الزواج لان امى او اختى سوف تختار الى تعجبها هى وليس ما يعجبنى انا وفى نفس الوقت انا لا اتخيل انى اتزوج بواحده لا اعرافها ولا حكيت معها حتى اعرف شخصيتها ونظرتها فى الحياه
انى افضل ان اعيش بلا زواج اذا لم اجد من تفهمنى وافهمها على ان اتزوج فقط لاجل الزواج
بالنسبه للقصص
هذه القصص تحدث فى كل المجتمعات لانها فيها الصالخ وفيها الطالح ولا يمكن التعميم
لاننا لا ننظر سوى للمشاكل والحالات الشاذه
لماذا لم تكتبى اى قصص حلوه وعن قصص حب انتهت بالزواج . ببساطه لانها قصص عاديه وطبيغيه ولكن هذه القصص التى تحدثتى عليها هى قصص غريبه وتجذب الانتباه
واخيرا انشالله ربى ايوفقك وتلقى ولد الحلال الى يبناسبك وتناسبيه

Posted by Brave Heart | 11:30 PM

مرحبا

الصراحه انتي موبس قرقه الا بوستج كله بدليات هههههههه منها اللذينه ياعيني على اللغه الله يرحمها ههههههه مواضيعج حلووه مثلج

القصه الاولى هم صارت مع وحده اعرفها بس ماكان مقصر معاها جنسيا عادي بس هم كا ينام مع رجال مثله
القصه الثانيه < لاتعليق

اما عني شخصيا الزواج اكبر عائق امام النجاح وهذا عن تجربتي مومعنى فشلي ان الزواج مشروع فاشل
انما اهو فشلي انا واختياري الخاطئ سبب فشلي الذريع في الزواج

الحمد لله على كل حال

:)

Posted by بنت الديــــره | 11:51 PM

والله موضوعك واقعي وللأسف كثرت

الخيانات بين المتزوجين..

واذا نرجع ندور على الأسباب ماراح

نلقى اي سبب يدفع الزوج او الزوجه

للخيانه.. الله يهدي الجميع

Posted by محمد بن سالم | 11:53 PM

في السابق لما يقولون لنا ان خطبة او زواج وايد نفرح ونستانس
وللاسف الحين لما يبشرونا بخطبة او زواج نحط ايدنا على قلبنا ونقول الله يستر
حالات الطلاق زايدة عندنا ومن هاللي نسمعه من سوالف نقول تقعد البنت عند اهلها معززة مكرمة وايد احسن انها ترجع لهم مطلقة

Posted by Mamloo7a Q8ia | 12:16 AM

Brave Heart

tslm wallah ,, ameeen allah ysm3 mnk enshalla ,, alla ywf8k enshalla ;)

thnx for your comment ;)

بنت الديــــره
looooooooool ,, shsawe lma andmg abd3 bebdlyat ;Pp

alla y36ej enshalla elle y8drg oo y7trmg enshalla ,,

thnx sweeety ;)

محمد بن سالم

alla yster 3lena oo y36ena 3la gd neytna enshalla ;)

thnx ,,

Mamloo7a Q8ia

ee wallah mrat agool bet aboy a`6mn ,, bs shnswee alla kreem enshalla ,,

thnx for visit sweeeeety ;)

i wish i see you all again & again ;)

Posted by ReD Lady™ | 12:49 AM

very very interesting post

I dont know if am supposed to share my experience....because its a good one and it should encourage you all to get married....

let me tell you one thing...la bud min almashakel....methel ma ygooloon ehya mel7 al7ayat lol....

of course mo bel darajah eli thekarteeha...becuz in both cases ma fi majal ele sol7

hathi 7alat shatha....shatha...ow mo kel elmetzawjeen y3anoon min mashakel be hal shakel...

ana zawajie kan ta8leedee...ya3ni shafni ow shefta...ow min gheer ma ykalemni yah ow kha6abni...bas sadgay enta we are living much better than all our friends who got married after steamy love stories

cheer up girl...ow inshallah falich khair :D

Posted by Ghasheema | 6:50 AM

موضوع طيب
بس خل اقولج
قاعدة بالقران ذهبية

الطيبون للطيبات وانتهينا
لكن مرات تصير هالحوادث وتكون محل اختبار الشخص وقدرته على الصدمات وصدقينى تلقين هذا الله باجر يعوضه وحدة احسن منها مليون مرة

Posted by mishari | 11:03 AM

موضوع ذا شجون !؟

من جذي فيه ناس اتطول لما تسأل وماتنلام صراحه !؟

والاستخاره لها دور

:) والدعاء بالتوفيق .. واللي كاتبه ربي بيصير

والقصص سمعنا قصص تشيب الراس لين قلنا بس !؟ ولو ما رحمة ربي جان الله اعلم بحالهم

Posted by ReLaaaX | 3:03 PM

wowo is there really stories like these , i looks like a tv shows i did not thought that it happend in the real life well ربنا يحفضنا , when i hear something like this i thanks god for my husband for all the understanding we have between us and i am with brave heart in that لازواچ نعمةincase u have the right husband , well thx for sharing keep it ....and ربي ايوفقك و ايچيبك ابن الحلال اللي تستاهلي و يستهالك يا رب

Posted by life's cycle | 4:24 PM

Ghasheema

I know sweeety klaaamg 97 .. alla kreem enshalla .. eeeee golele tgrbtg pleeeeeeeeeeeeeeeez .. oo enshalla dayma mrta7a ..

thnx sweeety ;)

mishari

alah kreeem .. oo y36ena 3la gd neytna .. thnx Bro. ;)

ReLaaaX

thnx sweeety for your comment & welcome to my blog nwrtee ;)

life's cycle

thnx for your comment & welcom in my blog ;)

Posted by ReD Lady™ | 5:07 PM

Seriously i dont wanna do that ;s

Posted by Honey™ | 10:57 PM

Honey™
looool .. ella myta ;Pp

Posted by ReD Lady™ | 4:05 AM

حياتي انتي .. عاد آنا مجهزة بوست طويل عريض عن الزواج .. سبقتيني .. لكن كلامج وتعليقج حلو

رأيي في مسألة الزواج

الإختيار الصحيح أهو الأساس ولازم يكون الطرفين مرتبطين بربهم ارتباط شديد .. وأعتبره هذا سبب التوفيق في حياتهم الزوجية

شي ثاني ترى مساءل الزواج بالذات محتاجة صبر وصبر طويل بعد .. في كلا الطرفين سلبيات وإيجابيات الدكاترة الإجتماعيين والمشايخ والمفتين يحثونه على إنه إذا أحد الطرفين شد الثاني يرخي والعكس صحيح .. عشان يمشي القارب ... وتسير الحياة

الحالة الأولى إلي ذكرتيها بالبوست أعتقد لازم يكون فيها شوية صبر .. يمكن على إيد الزوجة الزوج يهتدي للطريق الصح وبجذي إهي ماهدمت بيتها ومن جهة ثانية أجر من رب العالمين

أما الحالة الثانية الزوج معذور لأنه مساءل الشرف مافيها لعب وخصوصا لما تكون بحق الرجل .. إهي إهني دنست كرامته .. واقهرته .. وفي دعاء نستعيذ بالله من قهر الرجال .. لأنه مو هين عليه.. وشي معروف إلي مو راضي عنها زوجها ماتشم ريحة الجنة (لاحظي شي مهم .. مكانة الزوج وقدر عطاءه لزوجته وبيته وعياله عند رب العالمين) وطبعا بالمقابل طاعتها له تعادل جهاده في سبيل الله .. فلازم كل طرف يراعي حدود رب العالمين بالتعامل مع الطرف الثاني... القصة الثانية بفعلتها هذي كسرت فيه أشياء وايد .. وما أعتقد بتسامح نفسها ليوم الدين

سيدتي الحمراء .. ترى الزواج شي حلو بالحياة .. ناس وايد مستانسين بحياتهم الزوجية ومتفاهمين والأمور ماشية وزي اللوز

وتأكدي إن لكل شئ بالدنيا سلبيات وإيجابيات ومافي أحد في الدنيا كامل إلا وجه عز وجل

طالعي الجانب الإيجابي .. وتوكلي على الله

وانشالله نشوفج عروس

Posted by Almas | 11:09 AM

لا اتشفقين على الزواج الا اذا في واحد يسوي واللي يسوون شوية هالايام

العبرة مو بالزواج بالشخص اللي بتعيشين معاه العمر كله

في ناس يتبعون مبدأ خذوه فغلّوه والحق ما تلحق.. تلي يبجون على نفسهم وياكلهم الندم

انشالله تلاقين حد يسوى :)

Posted by Miss Writer | 11:57 AM

la you know what mean ;)

Posted by Honey™ | 12:11 PM

l2na entw in kuwait bsr3a ttzwjoon.. y3nee 7tta ftrat el 56ooba wayed g9eera 3ndekom..

lazim el wa7da etha bttzawaj et3rf wayed 3n elly bttzweja ,, oo by that i dont mean that her family asking about the guy .. well they should ask well bs ga9di ena ehya teg3d m3aah o t3rfa. mo bas taby ttzwaaj (u know what i mean?)

ana magolich ena in bahrain all our marriages are perfect nor im saying that kuwait's marriages are all bad! bas a7naa wayed agaal menkom et9eer hal sowalif 3ndena. :)

et3rfeen y3nee ana a cousin of mine (q8ya) t5rejat mn el mdresa oo tezwjat.. 5athaat wa7ed e9eer 7ag rayel 5alat'ha (see how close) . inzain.. se2loo 3nah o galo lhum enah zain o chethee! o 3ogb te6lgaat menaah l2na kaan feeh mr6' 3gly! JUST imagine! makan mot5alef bs kan feeh mr9' .. y3nee mo 9a7y shway! :S

el7ayaa tajareb.. o enshallah ttzwejeen wa7ed 3dl oo u live happily ever after! :D

Posted by Missy | 1:30 PM

هذي شغلات تصير في كل مجتمع بالدنيا و اذا كل واحد بخاف و يحط ايده على قلبه من الزواج ابننقرض..
و تظل هذي المشاكل و ان كثرت قليلة بالنسبة لحجم المجتمع
The Lady In Red :
ماله داعي هذي النظرة السوداوية عن الزواج وان كنت من اللي مضربين عنه

Posted by فركاش | 7:56 PM

السلام

موضوع ممتاز و ردي عليه ان هالسوالف عادية و متوقعة يعني احنا مشكلتنا ان ما نتعمق في الأمور و نحكم على كل شي من السطح

اسلوبنا بالزواج غلط و تفكيرنا بالزواج غلط

من البداية لمن الصبي يسأل عن البنت و البنت تسأل عن الولد يروحون يسئلون ربعه و اللي يصيروله و أكيد ذيلي شهادتهم فيه مجروحة, الرفيج بيمدح رفيجه و الرفيجة يتمدح رفيجتها

و بعدها يتزوجون,و الزواج علاقة انسانية أسايها الاحترام و حب فاذا فقدنا واحد من الأثنين سهل جدا الخيانة تحصل

يعني الريال اللي لأي سبب من الأسباب فقد حبه لزوجته سهل جدا ان يخونها او يجد بدائل اخرى

الزوجة اللي تفقد احترامها لزوجها ايضا سهل تجد بديل و تخونه

خصوصا مع زمن الايزي اللي عايشين فيه, الانترنت و البلوتوث و دول الجوار و الهالصياعة اللي تارسة القنوات 24 ساعة

شلون الواحد يمسك عمره؟

خصوصا اذا ما كان مستعد يضغط على نفسه و يكبح جماحه

Posted by kila ma6goog | 11:26 PM

اصابعج مو مثل مثل
وقرقتج حلوة

Posted by bo9ali7 | 7:04 AM

Almas

tslmeeeeeen fdeeetg :**

ameen enshalla .. alla ywf8na ajm3en enshalla .. thnx 3la el comment 7de nice ;*

Miss Writer
tslmen 7bebtee .. enshalla me & u n79el elle yswa ;)

Honey™

i know fdeeetg :***

Missy

thnx sweeety .. ee 97 klaamg e7na zayed 3ndna wayed .. alla kreem .. tslmen sweeety 3la mrorg ;)

فركاش

thnx for your comment ;)

kila ma6goog

ws .. alla yster lool .. thnx for your comment ;)

kila ma6goog

shay akeeeeeeeeeeeeed i know that .. bs elwa7ed y5af ;)

tslm walla :$

thnx for your comment ;)

i wish i see you all again & again ;)

Posted by ReD Lady™ | 3:03 PM

قصص تعور القلب بس للاسف واقعية

Posted by Cr8ivia | 10:42 PM

Cr8ivia

shnsawe b3d magool ella allah layblana enshalla .. thnx for visit ;)

Posted by ReD Lady™ | 10:46 PM

اصلا الزواج حظك نصيبك
يعني انتي وحظج مهما سألتوا عن الولد بعد الزواج راح يبين كل شي
اهم شي الاستخارةاذا كنتي مترددة وتتوكلين على الله
وبعدين عاد يبدي الشغل والتعب
الوحدة لازم تتعب عشان تحافظ على بيتها وتتنازل عن شغلات وايد الا عن كرامتها وتحط مشاعرها واحاسيسها على جنب اول ثلاث سنين من الزواج وتسوي لها قاعدة اساسية
بعدين عاد يبدي وقت الراحة ويكون كل طرف فهم الطرف الثاني والزوج عرف ان زوجته مخها كبير ويقدر يعتمد عليها واهني خلاص يصير الزوج مايقدر يستغني عنها ويقدرها
والحين ايي دورها انها اتعبه وتتشرط على كيف كيفها بس بالمعقول يعني وصدقوني اهو ابهالمرحلة راح يكون راضي ومستانس
وبالتوفيق للجميع

Posted by chatterbox | 10:49 AM

chatterbox

tslmeeeen sweeeety ;)

enshalla ajm3en ;)

welcome in my blog ;)

Posted by ReD Lady™ | 1:49 PM

لا حول ولا قوة الا بالله...!!!!

الله يستر على الكل ان شاء الله

حبيبتي الزواج ما فيه مشكله كلش الغلط على الجنسين اللي ولا واحد منهم قادر يتحمل ويصبر....هذي المشكله ان الواحد اذا شاف اي غلط بسيط على طول الحل عنده ان يتطلق سواء من الرجل او المرأة ....زين في شي اسمه صبر ؟؟؟ مناقشه ؟؟؟ ماكو كلش

وتبين الصج بنات الحين اغلبهم ما يبون يتحملون شي ولا يصبرون يبونها على كيف كيفهم....:)

يعطيج العافيه تسلمين...:)

Posted by Q8ya | 4:28 PM

Q8ya

ahlaaa hla sweeety nwrteee my post ;)

ee .. e9ber mo `6mn 8a2mthm klsh .. alla kreem .. thnx 7obe for visit ;)

Posted by ReD Lady™ | 5:45 PM

hal post 6lab taqa3ood....yabi yroo7 to the previous posts menu..re7may 7alah ow post a new post already :D

I give you only two days :P

Posted by Ghasheema | 12:42 AM

walaah hal sowalf elly et5alee alwa7ed eyfaker alff maraa gabel laa ey3azem 3alaa alzawaaj alnaas 9ayraa 3'arebaa bel kwt ooo maw9'oo3 al5eyanaa zaied wayed hal yomain alaah yester bs

oo thankss 3alaa al tag sorry alfatraa elly fataat makent mawjood ehnee bs al7ean brd aktb bs 3ashaanch enty ;)

Posted by cosimfree911 | 7:18 PM

Ghasheema
loooooooooool .. enshalla sweeety .. bs mshklte enee shway busy haluomeen bs b7awel enshalla ;)

cosimfree911

thnx aloooooot .. a7rgtnee :$ .. tslm walla .. oo welcome back .. naaaaa6rh eltag ;)

Posted by ReD Lady™ | 1:04 AM

Scary stories!
But I think that we only hear about bad experiences while there are many successful marriages that no one talks about.

Posted by Hopeless Poet | 11:34 AM

Hopeless Poet

thnx for your comment ;)

ee 97 kel shay lh eejabyat oo slbyat .. elmoshkela ena 7alya wayed zaydh 3ndna elslbyat alla yster .. oo allah kreem

thnx again ;)

Posted by ReD Lady™ | 2:42 PM

والله يا عزيزتى ما اعتقد فيه احلى من الزواج مو عشان هو حلو عشان انتى فى ايديك انك تخليه حلو او لا والله انا مقبله على الزواج وما فكرت حتى انى حكون مقصرة ولو هو قصر بشويه بشويه انا اساعده لان الزواج اخذوعطاء وموده وكل شى حلو فى مايرضى الدين طبعا بس انا مع ان الام او الاخت تختار كبدايه بس عشان يكون الموضوع واضح الجميع وبالاخر كل شى نصيب وانت تعرفين العلاقات والاشياء الى نلقى نفسنا رايحين بيها بداعى الحب والهيام والله يوفقك وتلقين الى هو يبيك هذا فى راى اهم وكمان الاحترام والتقدير والباقى يجى مع الوقت

Posted by princess of smiles | 11:14 PM

princess of smiles

thnx sweeety ;)

alla yw8g enshalla yaaaaaaaaarb ameeeen ;)

Posted by ReD Lady™ | 11:27 PM

you have to know what you get yourself into, you have to know your partner and know his family before you get married, get engaged for a while, meet his family, find out if you can work things out and if you want to work things out, inshala allah yewafqech :) and don't rush into things, it'll happen when it's meant to

Posted by Spontaneousnessity | 1:45 AM

مااقول الا الحمد الله على العافيه

والزواج والنصيب من الله سبحانه والتوفيق بعد

ادعوا يجكم واحد عدل ويرزقكم بالرجال الصالح

الاولاد الله يرزقكم بعد بالحرمه الصالحه

ياربي لاتبلينا

Posted by my sold | 12:44 AM

Spontaneousnessity

Agm3en enshalla ;)

thnx for your comment .. & .. welcome im m blog ;)

my sold

ameeeen enshalla .. thnx for comment ;)

i wish i see you both again & again ;)

Posted by ReD Lady™ | 6:22 PM

يعطييج العافية سس على هالموضووع والصراحة الزواج اخطر قرار نتخذه بحياتنا، وحدج خرعتيني فوق ما انا مخترعة، ووقفتي قلبي زيادة ومادري شسوي، على قوله الاهل اني بسن زواج والصراحة هالشي مخرعني وانتي خرعتيني اكثر واكثر، واحب اذكر شي صج اني مخترعة ومحد ينصحني بالزواج بس هم احس ساعات اني قدها لاني من النوع اللي اضحي واصبر، بس في اشياء ما ينسكت عنها مثل سالفة الجنس والخيانة، وما أقوول إلا اله يستر من اللي بناخذهم، العيب و بالرياييل ولا بالحريم كلهم، نقدر نقول ان العيب بالتربية والبيئة اللي عاشوا فيها، وعسى الله يوفق كل اثنين قلوبهم بيضة ويهدي كل اللي عندهم مشاكل، مشكوورة وايد لى الموضووع

your blog kella 3ala ba3a'9a 7elo mashala .. keep it up :>

Posted by sarali | 4:55 PM

Posted by tramadol | 10:20 PM

The Lady In Red

"Every woman has the right to be beautiful"

About me

Search

Previous posts

Archives

Chat Box

My BlogRoll

The Lady In Red

"Every woman has the right to be beautiful"

var a = 38; if(a == 0) {document.write('Comments');} else if(a == 1) {document.write('1 comment');}else{document.write(a+' comments');}

About me

Search

Previous posts

Archives

Chat Box

My BlogRoll